How to get Health Certificate and Mayor's/working Permit in Mandaluyong City Hall

How to get Health Certificate and Mayor's/working Permit in Mandaluyong City Hall

Hi, welcome to my first ever blog post! :) Narito ako para ibahagi sa inyo kung paano kumuha ng health certificate at mayor's/working permit para sa mga taong magtatrabaho sa Mandaluyong City. Lahat ng maibabahagi ko ay base lamang sa aking personal na karanasan at maaaring magbago ang ibang detalye na mababanggit dito sa mga paglipas ng panahon.

Paano pumunta?
Sumakay ng MRT o bus at bumaba sa Boni station. Maglakad hanggang sa New Horizon Hotel at makikita sa kanan ang sakayan ng jeep pa Mandaluyong City Hall.

Narito ang mga iminumungkahi kong mga hakbang sa pagkuha ng mga ito:

1. Mga Babayaran:

         Cedula                                                      22.00

         Police Clearance                                    125.00

         X-RAY(Good for 1 year)                         150.00

         Health (with seminar)                               50.00

         Urine & Stool Laboratory                          80.00

         Mayor's Permit                                         50.00

   Mga karagdagang bayad:

         Cups for urine and stool                            10.00 

         Extra charge for Police clearance               5.00

         Notaryo ng mayor's permit                        30.00

2. Mga kailangang dalhin:

• Isa o mahigit pang ID
• Maari ng magdala ng urine at stool sample upang mas mapabilis ang iyong proseso at hindi na bumili ng cups para sa samples ng mga ito.
• Ballpen
• Sabon at alcohol kung pipiliin na doon umihi at dumumi para sa urine at stool sample.
• Isang 1x1 picture
• Pagkain kung ayaw gumastos at hindi kumain pag-alis ng bahay.     

3. Pumunta sa blue building, maglabas ng ID at pumila para magbayad sa counter 1-9.

4. Sa tabi ng counter 1, magbayad ng cedula.

5. Lumabas ng blue building at pumunta sa green building na katapat nito at pumasok sa loob sundan ang mga nakasulat sa pader na direksyon kung saan papunta ang x-ray. Magpasa ng urine at stool sample at pumila para sa x-ray. Ang unang pangkat/batch ng nagpasa ng urine at stool ay makukuha ang resulta ng 11:30 ng umaga at ang pangalawang pangkat naman ay 2:00 ng hapon. Ang unang pangkat ng x-ray na isinagawa sa oras na 8:00-11:30 ng umaga ay makukuha ng 12:00 PM at ang mga na-isagawa sa oras na 1:30-4:00 ng hapon ay makukuha sa oras na 3:00-4:00 ng hapon.

6. Bumalik sa unahan o entrance ng green building, sa unang kwarto sa kaliwa katabi ng information's desk ay matatagpuan ang seminar room na ginaganap tuwing alas 9:00 ng umaga at 1:00 ng hapon. Tandaan ang numero ng ibibigay sa inyo dahil sasabihin ito sa pagkuha ng health certificate. Tumatagal ito ng isang oras.

7. Kumuha ng police clearance sa building na katabi ng green building. 

• Kumuha ng application form sa window 1 at sagutan.
• Bumalik sa window 1 or 2 upang makita kung tama ang pagsagot sa application form.
• Tumuloy sa window 3 para magpalitrato.
• Maghintay sa pagtawag ng iyong pangalan sa waiting area para sa releasing ng inyong Police Clearance Certificate.
• Maghanda ng 5 pesos at pumunta sa window 4 or 5 para kunin ang certificate. Wag kalimutan mag-thumb mark at basahin kung tama ang detalye na nakalagay sa certificate.

8. Magpunta muli sa blue building at umakyat sa 3rd floor para sa pagkuha ng health certificate. Maghanda ng 1x1 picture, resulta ng urine,stool at xray at tandaan ang numero na ibinigay sa seminar. Tumungo sa windows 1,2 or 3. Pagkatapos ay hintayin matawag ang pangalan at huwag kalimutan mag-thumbmark.

9. Bumaba sa 1st floor ng blue building, ihanda ang health certificate at police clearance, magtungo sa windows 23 or 24 at humingi ng form para sa mayor's permit. Sagutan ang dalawang kopya at maghanda ng 30 pesos para sa notaryo. Ibalik ang nasagutang form at sa wakas tapos na at handa ka ng magtrabaho!

NOTES:

• Valid ang mga dokumentong ito hanggang December 31 at parehong proseso lamang ang ginagawa sa renewal.
• Ang medical na isinagawa sa ibang lugar ay hindi tinatanggap. Kailangan sa kanila ka kukuha.
• Kung hindi komportable na gumamit ng pampublikong palikuran o banyo. Magdala na ng sample para sa urine at stool. Makakatipid ka din ng 10 pesos.
• Ang banyo ay matatagpuan sa pagpasok ng gate ng city hall. Hindi pinapayagan gumamit ng banyo sa blue building kung kukuha ng samples. (May naninita)
• Kung may kasama man lalo kung matanda, may lounge area sa blue building at may upuan sa bawat floor.
• May free wifi sa loob ng isang oras.
• Pwede namang balikan ang resulta kung hindi mahihintay sa parehong araw na isinagawa ang pagbibigay ng samples.
• Maraming makakainan sa paligid ng city hall gaya ng Jollibee, tapa king, greenwich, chowking, mga karinderya at iba pa.
• Hindi makukuha ang mayor's permit kung walang health certificate at police clearance.
• Payo lamang, mas maganda pumunta bago pa lamang magbukas ang City Hall o bago mag 8.
• Depende sa araw ang dami ng tao. Pati sa bilis ng proseso. May araw na wala gaanong tao, may araw na marami.
• Isang araw lamang ang buong proseso.
• Note: Maaaring magbago ang mga presyo ng mga nabanggit sa itaas sa mga darating na panahon.
• Disclaimer: hindi ako opisyal sa mandaluyong, katulad din ako ninyo na kumuha lang din at ibinahagi ito sa mga impormasyon upang makatulong sa mga kailangan ding kumuha.
  
  

Maraming salamat!